ԱՄՆ նախագահ Դոնալդ Թրամփը հայտնել է, որ իր վարչակազմը բանակցությունների ընթացքում «շատ լավ քննարկումներ» է ունեցել Իրանի հետ։ Այդ մասին հայտնում է Aljazeera-ն։
Թրամփը նաև պնդել է, որ Իրանը ցանկանում է հակամարտությանը վերջ դնելու միջոց գտնել։ Ըստ ԱՄՆ նախագահի՝ բանակցությունները շարունակվում են ու ԱՄՆ-ն, Իրանը և Օմանը մոտենում են Հորմուզի նեղուցի վերաբացման վերաբերյալ ժամանակավոր համաձայնագրի կնքմանը։
Դրա հետ մեկտեղ նա շեշտել է, որ Իրանը «շատ ուժեղ հարված կստանա», եթե ռազմավարական նշանակություն ունեցող Հորմուզի նեղուցը «շատ շուտով» չվերաբացվի։
Նշենք, որ չնայած Թրամփի հայտարարություններին՝ Թեհրանը շարունակում է պնդել, որ բանակցում է միայն Օմանի հետ:
Հետևեք մեզ տելեգրամում
