ԱՄՆ նախագահ Դոնալդ Թրամփը Ջո Բայդենի վարչակազմին մեղադրել է Ուկրաինային տրամադրված ռազմական օգնության պատճառով ամերիկյան զինամթերքի պաշարները սպառելու մեջ: Այս մասին հայտնում է «DW»-ի ռուսական ծառայությունը։
Օգոստոսի 6-ին կայացած ճեպազրույցում Թրամփը հայտարարել է, որ Բայդենը Ուկրաինայի նախագահ Վոլոդիմիր Զելենսկիին շուրջ 300 մլրդ դոլարի զինամթերք է տրամադրել․
«Երբ ես հեռանում էի, զինամթերքը լիքն էր, իսկ նա դրա շատ մեծ մասը բաժանեց։ Հիմա մենք վերականգնում ենք այդ պաշարները»,- ասել է Թրամփը։
Լրագրողի հարցին՝ արդյոք Վաշինգտոնը Կիևին լրացուցիչ հրթիռներ կտրամադրի «Patriot» զենիթահրթիռային համակարգերի համար, ինչպես նաև հեռահար հրթիռներ, որոնց կարիքն Ուկրաինան ունի, ԱՄՆ նախագահը պատասխանել է․ «Մեզ էլ են հրթիռներ պետք»։
Ավելի վաղ Զելենսկին, անդրադառնալով Կիևի ուղղությամբ Ռուսաստանի գիշերային հարվածներին, հայտարարել էր, որ Ուկրաինայի զինված ուժերը «Patriot» համակարգերի հրթիռների խիստ պակաս ունեն։
«Շատ կարևոր է, որ գործընկերները հասկանան՝ այդ միջոցները պետք են ոչ թե պահեստներում՝ հնարավոր սցենարների համար, այլ այստեղ և հիմա»,- հայտարարել էր Զելենսկին։
Հետևեք մեզ տելեգրամում
