ՀԱՊԿ-ում Հայաստանի մասնակցության ապագայի վերաբերյալ որոշումը պետք է ընդունել ողջամիտ ժամկետում․Մասադիկով

ՀԱՊԿ-ում Հայաստանի մասնակցության հետագա հեռանկարի վերաբերյալ որոշումը պետք է ընդունվի ողջամիտ ժամկետում։ Այդ մասին «РИА Новости»-ին հայտարարել է կազմակերպության գլխավոր քարտուղար Տաալաթբեկ Մասադիկովը։

«Մենք ելնում ենք այն հանգամանքից, որ Հայաստանի՝ ՀԱՊԿ-ին մասնակցության հետագա հեռանկարի վերաբերյալ որոշումը պետք է ընդունվի ողջամիտ ժամկետներում», – ասել է Մասադիկովը։

Ավելի վաղ ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը հայտարարել էր, որ Հայաստանի՝ կազմակերպության մարմիններում ձայնի իրավունքը սահմանափակելու համար անհրաժեշտ կլինի անդամ երկրների կոնսենսուսը։ Նրա խոսքով՝ ՀԱՊԿ Հավաքական անվտանգության խորհրդի հերթական նիստը նախատեսված է նոյեմբերի 11-ին՝ Մոսկվայում, որտեղ, հավանաբար, կքննարկվի նաև Հայաստանի մասնակցության հարցը։