Նեպալում նախորդ շաբաթ տեղի ունեցած ավերիչ ջրհեղեղներից հետո անհետ կորածների թիվը կտրուկ աճել է՝ հասնելով ավելի քան 4200-ի։ Չինաստանում գրանցված կորուստների հետ միասին անհետ կորածների ընդհանուր թիվը հասնում է 4793-ի, իսկ զոհերի թիվը՝ 919-ի։ Այս մասին հայտնել է «CNN»-ը։
Փրկարարները շարունակում են որոնել ջրհեղեղներից հետո անհետացած մարդկանց։ Նեպալի իշխանությունները հատկապես կենտրոնացել են հիդրոէլեկտրակայանների թունելներում հնարավոր արգելափակված մարդկանց որոնման վրա։ Տարբեր նախագծերում ավելի քան 900 աշխատակից անհետ կորած է համարվում։
Նեպալում անցած շաբաթ հորդառատ անձրևների հետևանքով սկսվել են լայնածավալ ջրհեղեղներ և սողանքներ։ Աղետի հետևանքով ջրի տակ են հայտնվել բնակավայրեր, վնասվել են ճանապարհներ և այլ ենթակառուցվածքներ։
Հետևեք մեզ տելեգրամում
