Վրաստանի վարչապետ Իրակլի Կոբախիձեն հերթական անգամ հերքել է իր հնարավոր հրաժարականի մասին տեղեկությունները՝ նշելով, որ այդ հարցը լրատվամիջոցները բարձրացնում են պարբերաբար՝ «յուրաքանչյուր երեք ամիսը մեկ»։ Այս մասին հայտնում է «NewsGeorgia»-ն։
«Յուրաքանչյուր երեք ամիսը մեկ այս հարցը տրվում է։ Սպասում եմ, որ երեք ամիս անց նորից կտաք այս հարցը», – լրագրողի հարցին պատասխանել է Կոբախիձեն։
Նշենք, որ վերջին շրջանում տեղեկություններ են շրջանառվում, որ Կոբախիձեին վարչապետի պաշտոնում կարող է փոխարինել Զուրաբ Պատարիձեն, որը ներկայում Աջարիայի կառավարության ղեկավարն է։ «Վրացական երազանք»-ում այդ տեղեկությունները որակել են որպես շահարկումներ և ընդդիմության երևակայության արդյունք։
Հետևեք մեզ տելեգրամում
