Եվրամիության արտաքին գործերի և անվտանգության քաղաքականության բարձր ներկայացուցիչ Կայա Կալլասը ԵՄ երկրներին կոչ է արել իրենց պահեստներում առկա հակաօդային պաշտպանության միջոցները փոխանցել Ուկրաինային։ Այս մասին Կալլասը հայտարարել է սեպտեմբերի 28-ին՝ ԵՄ արտաքին գործերի խորհրդի՝ պաշտպանության նախարարների մակարդակով նիստին ժամանելիս, հայտնել է «UNN»-ը։
Կալլասի խոսքով՝ Ուկրաինային այժմ անհապաղ անհրաժեշտ է հակաօդային պաշտպանություն։ Նա առաջարկել է, որ այն երկրները, որոնք իրենց պահեստներում ունեն համապատասխան համակարգեր և հրթիռներ, դրանք տրամադրեն Ուկրաինային, իսկ հետագայում իրենց պահեստները համալրվեն նոր արտադրվող «Patriot» հրթիռներով։ Հիշեցնենք, որ «Patriot»-ը հեռահար հակաօդային պաշտպանության համակարգ է, որը նախատեսված է ինքնաթիռների, հրթիռների և այլ օդային թիրախների խոցման համար։
«Նրանք, ովքեր ունեն դրանք պահեստում, կարող են փոխանցել Ուկրաինային, որպեսզի ավելի ուշ արտադրվող «Patriot» հրթիռները համալրեն նրանց պահեստները»,- ասել է Կալլասը։
Կալլասը վերջին շրջանում նաև կոչ է արել ԵՄ երկրներին երկարաձգել Ռուսաստանի դեմ սահմանված պատժամիջոցները և արագ ընդունել պատժամիջոցների նոր փաթեթ։
Հետևեք մեզ տելեգրամում
