Հունիսի 18-ին, Սիրիայի Հոմս քաղաքի կենտրոնական Ալ Շոհադա հրապարակում հավաքված ցուցարարները բողոքել են Սիրիայի նկատմամբ ԱՄՆ-ի սահմանած միակողմանի պատժամիջոցների դեմ:
Դատապարտելով Սիրիայի նկատմամբ կիրառված «Կեսարի օրենքը», ցուցարարները հայտարարել են, որ Սրրայի ժողովուրդը հավատարիմ է մնալու իր սկզբունքներին և հայրենիքի պաշտպանությանն ու շարունակելու է պայքարել տնտեսական պատերազմի ու շրջափակումների դեմ:
Նշենք, որ «Կեսարի օրենքը», որը ստորագրվել է ԱՄՆ նախագահ Դոնալդ Թրամփի կողմից, ուժի մեջ է մտել ս.թ. հունիսի 1-ին և իր մեջ ներառում է պատժամիջոցներ, որոնք տարածվում են Սիրիայի բոլոր ոլորտների վրա։
Ցույցի մասնակիցները ողջունել են Սիրիայի բանակի պայքարն ահաբեկիչների դեմ:
Հիշեցնենք, որ հունիսի 17-ին, ԱՄՆ պետքարտուղար Մայք Պոմպեոն հայտարարել էր, որ ԱՄՆ-ը «Կեսարի օրենք» անունով հայտնի հակասիրիական օրենքի շրջանակներում նոր պատժամիջոցներ է սահմանում Սիրիայի դեմ։ Պոմպեոն նշել էր, որ պատժամիջոցների կենթարկվեն նաև Սիրիայի նախագահ Բաշար ալ-Ասադը և վերջինիս կինը։
Հետևեք մեզ տելեգրամում
