Իրանի նախագահ Մասուդ Փեզեշքիանը հոկտեմբերի 16-ին ժամանել է Հայաստան՝ մասնակցելու ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովի (COP17) շրջանակում անցկացվող առաջնորդների գագաթնաժողովին։
Իրանի նախագահին Երևանի «Զվարթնոց» միջազգային օդանավակայանում դիմավորել է ՀՀ փոխվարչապետ Մհեր Գրիգորյանը։
Գագաթնաժողովի շրջանակում նախատեսվում են նաև հանդիպումներ և բանակցություններ մասնակից երկրների ղեկավարների հետ՝ քննարկելու երկկողմ և միջազգային նշանակության հարցեր։
Նշենք, որ Իրանը Կենսաբազմազանության մասին կոնվենցիան ստորագրած առաջին երկրներից է և պաշտոնապես միացել է դրան 1996 թվականին։
COP17-ի շրջանակում առաջնորդների գագաթնաժողովն անցկացվում է հոկտեմբերի 16-ին, իսկ համաժողովի հիմնական աշխատանքները նախատեսված են հոկտեմբերի 19-30-ը։
Հետևեք մեզ տելեգրամում
