Օրեր առաջ Թուրքիայի ղեկավար Ռեջեփ Թայիփ Էրդողանի նախագահությամբ անցկացված Բարձրագույն խորհրդատվական խորհրդի նիստի օրակարգային թեմաներից մեկը եղել է Հայոց ցեղասպանությունը ժխտող նոր թեզեր արտադրող ինքնավար կառույցի ստեղծումը։
Թուրքական մամուլում հայտնված տեղեկությունների համաձայն՝ նոր կառույցը լիիրավ ինքնավարություն է ունենալու և զբաղվելու է միայն «Հաղոց ցեղասպանության պնդումներին պատասխանելու և ռազմավարություն մշակելու գործով»։
Նշվում է, որ ժխտողականության նոր ռազմավարություն ստեղծելու առաջարկը ի հայտ էր եկել 3 ամիս առաջ, երբ դեռ շատ չէր անցել ԱՄՆ-ի կոնգրեսում նոր հայկական բանաձևի օրակարգ բերվելուց։
Առաջարկի հեղինակներ Թուրքիայի խորհրդարանի նախկին նախագահ Ջեմիլ Չիչեքն ու Էրդողանի գլխավոր խորհրդական Սեյիթ Սերթչելիքը նշել են, որ այս պահին «հայկական պնդումներով» անմիջականորեն զբողվող այդ թեմայով փաստեր ու ռազմավարություն ստեղծող առանձին կառույց չկա։ Նշվում է, որ առանձին նախարարություններ այս թեմայով զբաղվել են, բայց ամբողջական քաղաքականություն չեն կարողացել ստեղծել։
Հաղորդվում է, որ նիստից հետո Էրդողանը հրամայել է հնարավորինս կարճ ժամկետներում հիմնել նոր կառույցը։
Հետևեք մեզ տելեգրամում
