«Օտարերկրացիները կամ քաղաքացիություն չունեցող անձինք, որոնք մինչև 2020 թվականի մարտի 14-ը օրինականորեն գտնվել են Վրաստանի տարածքում և չեն կարողացել լքել երկիրը մինչև ժամկետի օրինական ավարտը, իրավունք ունեն մնալ Վրաստանի տարածքում մինչև 2020 թվականի հուլիսի 31-ը», – ասվում է դեսպանատան հաղորդագրության մեջ։
Նշվում է, որ հրամանագիրը վերաբերում է նրանց, ում երկիրը գտնվում է բարձր ռիսկային գոտում կամ փակել է սահմանները, այն մարդկանց, որոնք գտնվում են կարանտինում, ինքնամեկուսացման մեջ կամ հիվանդանոցում, ինչպես նաև այն օտարերկրացիներին, որոնք թռիչքների չեղարկման պատճառով մնացել են Վրաստանում:
Հիշեցնենք, որ Վրաստանում մինչև այսօր կորոնավիրուսով վարակվել է 924 մարդ, 15-ը մահացել են, ապաքինվել է 785 մարդ:
Հետևեք մեզ տելեգրամում
