Ադրբեջանի պետական անվտանգության ծառայության (ՊԱԾ) գործողությունների արդյունքում կալանավորված արտգործնախարարության պաշտոնատար անձինք խափանման միջոցը փոխելու համար դիմել են դատարան։
Ադրբեջանի ՊԱԾ-ի կողմից քննվող քրեական գործի շրջանակներում ԱԳՆ գործերի կառավարչության պետ, նախարարության տենդերի հանձնաժողովի նախագահ Ֆարհադ Մոլլազադեն և գործերի կառավարչության տնտեսական բաժնի ղեկավար Սալիմ Ալիզադեն կալանովորվել են պաշտոնի չարաշահման, յուրացման և կաշառք վերցնելու մեղադրանքով։ Իսկ Հյուպատոսական վարչության հյուպատոսական-իրավական բաժնի ղեկավար Նուրուփաշա Աբդուլլաևը՝ կաշառք վերցնելու մասին Ադրբեջանի ՔՕ համապատասխան հոդվածով։
Հիշեցնենք, որ հուլիսի 3-ին Ադրբեջանի ՊԱԾ պաշտոնակայքում տեղեկություն էր հրապարկվել այն մասին, որ ծառայության աշխատակիցները հատուկ գործողություն են իրականացնում երկրի արտաքին գործերի նախարարությունում: Ըստ ՊԱԾ-ում ստացված տեղեկատվության՝ Ադրբեջանի ԱԳՆ որոշ պաշտոնյաներ միտումնավոր օգտագործել են իրենց լիազորությունները ծառայության շահերի դեմ և կատարել են բազմաթիվ ապօրինի գործողություններ, որոնք էականորեն վնասում են հասարակության և պետության շահերին։
Հետևեք մեզ տելեգրամում
