Լիբանանի ֆինանսների նախկին նախարար, գործարար Մուհամեդ Սաֆադին հրաժարվել է դառնալ ցույցերով ողողված երկրի վարչապետ այն բանից, երբ նրա թեկնածությունն առաջադրելու լուրը նոր թափ էր հաղորդել ցույցերին:
Սաֆադին հայտարարության մեջ նշել է, որ դժվար կլինի «ներդաշնակ» կառավարություն ձևավորել մի երկրում, որտեղ մեկ ամիս է՝ համազգային աննախադեպ ցույցեր են՝ արմատական բարեփոխումներ անցկացնելու պահանջով: Սաֆադին հույս է հայտնել է, որ վարչապետի ժամանակավոր պաշտոնակատար Սաադ Հարիրին կվերանշանակվի այս պաշտոնում:
Նշենք, որ անցած շաբաթ լիբանանյան 3 խոշոր` «Ալ-Մուստակբալ», «Հեզբոլլահ» և «Ամալ» կուսակցությունները համաձայնության էին հասել գործածար Մուհամեդ Սաֆադիին առաջադրել վարչապետի պաշտոնում: Թեև Սաֆադիի առաջադրումը պաշտոնապես չէր հաստատվել, սակայն լիբանանցիները հավաքվել էին Տրիպոլիում նրա տան մոտ՝ իրենց անհամաձայնությունը հայտելով նրա թեկնածությանը:
Հետևեք մեզ տելեգրամում
