Թուրքիային մեծապես անհանգստացրել է Սիրիայի քրդական կառույցների ու ԱՄՆ-ի միջև ձեռք բերված համաձայնությունը Սիրիայի հյուսիսային նավթահանքերի արդիականացման շուրջ։
Հարցին արձագանքել է Թուրքիայի արտաքին գործերի նախարարությունը։ Հրապարակված հայտարարության մեջ ասվում է, որ այս ամենի ետևում կանգնած են Սիրիայի քրդական ուժերը, որոնց պաշտոնական Անկարան համարում է ահաբեկչական։
Նշվել է նաև, որ այդ համաձայնությունն անտեսում է Սիրիայի տարածքային ամբողջականությունը։
Ավելի վաղ վերոնշյալ համաձայնությունը դատապարտել էր նաև Սիրիայի կառավարությունը՝ որակելով այն որպես «Գողերի միջև պայմանագիր, որը նպատակ ունի թալանել սիրիացի ժողովրդին պատկանող բնական պաշարները»։
Հետևեք մեզ տելեգրամում
