ՀՀ արտաքին գործերի նախարար Զոհրաբ Մնացականյանը ցավակցություն է հայտնել Բեյրութում տեղի ունեցած պայթյունի կապակցությամբ և նշել, որ Հայաստանը պատրաստ է անհապաղ օգնություն ցուցաբերել Լիբանանին և նրա ժողովրդին:
«Ցնցված եմ Բեյրութում տեղի ունեցած պայթյունի և դրա ավերիչ հետևաքների մասին սարսափելի նորություններից։ Մեր մտքերն ու աղոթքները Լիբանանի եղբայրական ժողովրդի հետ են: Հայաստանը պատրաստ է անհապաղ օգնություն ցուցաբերել Լիբանանին և նրա ժողովրդին: Բեյրութի փառքն անպայման կվերականգնվի»,- «Թվիթեր»-ի իր միկրոբլոգում գրել է Մնացականյանը։
Հիշեցնենք, որ Բեյրութի նավահանգստում տեղի ունեցած պայթյունի հետևանքով ինչպես ամբողջ Բեյրութում, այնպես էլ հայահոծ շրջաններում լայնածաված ավերածություններ են տեղի ունեցել։
ՀՀ ԱԳՆ-ն հայտնել է մի շարք հայկական շինությունների ավերմեն ու 6 հայ զոհի ու շուրջ 100 վիրավորի մասին։ ԱԳՆ- հայտարարության մեջ նշվում է նաև, որ այդ թվերը կարող են աճել, քանի որ մեծ է անհետ կորածների թիվը։
Հետևեք մեզ տելեգրամում
