Երկու երեխաների մայր Դելիա Փափազյանն ընտանիքով բնակվում էր նավահանգստին շատ մոտ թաղամասում և զոհ է գնացել օգոստոսի 4-ին Բեյրութի խոշոր պայթյունին: Այս մասին «Արեւելք»-ը տեղեկացել է Լիբանանից: Կայքը հայտնում է, որ Փափազյանը պայթյունից զոհված 5-րդ հայն է:
Լիբանանի Կարմիր Խաչի տվյալներով նավահանգստի հզոր պայթյունը ավելի քան 100 մարդու կյանք է խլել:
Ավելի վաղ հայտնել էինք քաղաքական գործիչ Նազար Նաջարյանի, քաղաքի կենտրոնի հիվանդանոցներից մեկի բուժքույր Ջեսիկա Բեզջյանի մահվան մասին, ևս մեկ հայի՝ Ժակ Բարամաքյանի մահվան մասին հայտնել են հայկական լրատվամիջոցները:
Ազգությամբ հայ է նաեւ զոհերից Ալինա Զաբրին:
Բեյրութում այսօր սուգ է հայտարարվել:
Հետևեք մեզ տելեգրամում
