«Լիբանան 24» հեռուստաալիքիի գլխավոր հաղորդավար Վեսիմ Օրաբին լուրերի թողարկման ավարտին հայտնել է իր աշխատանքից հեռանալու մասին: Նա այդ տեսանյութը հրապարակել է նաև իր թվիթերյան միկրոբլոգում:
Օրաբին ուղիղ եթերում քննադատել է երկրում տիրող իրավիճակը, նշելով, որ Լիբանանը վերածվել է «ուրվականների գերեզմանոցի»:
Նրա խոսքով` ինքը Լիբանան կվերադառնա այն ժամանակ, երբ այնտեղ պատվաբեր կենսական պայմաններ կստեղծվեն:
Օրաբին լուրերի թողարկման ավարտին հայտնել է. «11 տարի շարունակ մեծամասամբ ցավալի լուրեր եմ հաղորդել. պայթյուններ, մահափորձեր և հարձակումներ, այդ թվում` երկրի հարավային սահմաններում տեղի ունեցած հարձակումները, քաղաքացիական պատերազմները և այլն: Սա իմ վերջին եթերն է: Զզվում եմ ձեզնից: Լքում եմ երկիրը…»
Նշենք, որ շուրջ 11 տարի Օրաբին որպես լուրերի մեկնաբան է աշխատել լիբանանյան պետական հեռուստատեսությունում:
Հետևեք մեզ տելեգրամում
