ԱՄՆ-ի հետ լարվածության ֆոնին, Իրանի իշխանությունները հայտարարել են տեղական արտադրության բալիստիկ և թևավոր հրթիռների արտադրության մասին:
Իսլամական Հանրապետության պաշտպանության նախարար Ամիր Հաթամիի խոսքով, հրթիռների հեռահարությունը հասնում է 1400 կմ-ի: Միաժամանակ պաշտոնական Թեհրանն անտեսում է Միացյալ Նահանգների՝ Իրանում միջուկային ծրագիրը դադարեցնելու պահանջը:
Իրանի նախագահ Հասան Ռոուհանին կարևոր Է համարել նոր հրթիռների փորձարկման մասին նորությունը: «Մենք պետք Է ցամաքում եւ ծովում (թշնամուն) կասեցնենք հրթիռների միջոցով»,- նշել Է նա:
««Ցամաք-ցամաք» դասի հրթիռը, որն անվանակոչվել է նահատակ գեներալ Ղասեմ Սոլեյմանիի անունով, ունի 1400 կմ հեռահարություն, իսկ Աբու Մահդիի անունը կրող թևավոր հրթիռի հեռահարությունը հասնում է մոտ 1000 կմ-ի»,- ասել է Իրանի պաշտպանության նախարարը:
Իրանական արտադրության հրթիռները ցուցադրվել են երկրի պետական հեռուստատեսությամբ:
Նշենք, որ Իրանը 1990-ական թվականներց ի վեր զբաղվում Է սեփական հրթիռային ծրագրի զարգացմամբ: Երկիրը որոշակի հաջողությունների Է հասել բալիստիկ հրթիռների մշակման բնագավառում:
Հիշեցնենք, որ ԻՀՊԿ «Ղոդս» հատուկ նշանակության ուժերի հրամանատար, գեներալ Ղասեմ Սոլեյմանին սպանվել էր հունվարի 3-ին Բաղդադի օդանավակայանից ոչ հեռու ամերիկյան ՌՕՈՒ ավիահարվածի հետևանքով: Հրամանը տվել էր ԱՄՆ նախագահ Դոնալդ Թրամփը:
Հետևեք մեզ տելեգրամում
