ՀԲԸՄ ներկայացուցիչը Կանադայի նախարարների հետ քննարկել է Լիբանանին օգնության հարցը

Հայ բարեգործական ընդհանուր միության Կանադայի գրասենյակը Կանադայի կառավարության նախարարների հետ քննարկել է Լիբանանին օգնության բախշման մանրամասները։ Օգոստոսի 21-ին տեղի է ունեցել քննարկում Կանադայի կառավարության անդամների և բարեգործական կազմակերպությունների ներկայացուցիչների միջև։

Քննարկվել է Լիբանանին Կանադայի տրամադրելիք մարդասիրական օգնության ուղղությունները, աշխատանքների կազմակերպման վերաբերյալ հարցեր։ Քննարկումը կազմակերպվել է կանադական կողմի նախաձեռնությամբ և արտաքին գործերի նախարար Ֆրանսուա Ֆիլիփ Շամփայնի և Միջազգային Զարգացման նախարար Քարինա Կոլտի մասնակցության։

ՀԲԸՄ Կանադայի գրասենյակը ներկայացրել է Հակոբ Արսլանյանը։ Վերջինն առաջարկել է Կանադայի կառավարության՝ մարդասիրական օգնության համար տրամադրած գումարի մի մասը հատկացնել Լիբանանի կրթական ոլորտին՝ նշելով, որ դա հնարավորություն կտա դպրոցներին ուսումնական տարվա սկզբին սկսել աշխատանքները և մեծ թվով աշակերտներ ընդունել։

ՀԲԸՄ Կանադայի ներկայացուցիչն առաջարկել է, որ Կանադայի կառավարությունն Լիբանանին օգնությունը հասցնելու հարցում համագործակցի ոչ միայն միջազգային կառույցների, այլև տեղական՝ կանադական բարեգործական կազմակերպությունների միջոցով, ինչը հնարավորություն կտա ավելի արագ, արդյունավետ և թիրախային գործել։

Կարևորվել է նման քննարկումների հաճախակի անցկացումը, ինչպես նաև մասնակիցների ընլայնումը՝ մասնավորապես Կանադայի միգրացիայի հարցերով նախարարի մասնակցությունը։