Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսի Թեհրան այցի ավարտին Իրանն ու ՄԱԳԱՏԷ-ն համատեղ հայտարարություն են ընդունել։
Հայտարարությունում նշվել է, որ Իրանը ՄԱԳԱՏԷ-ի նշած երկու օբյեկտներում տեսչական ստուգումներ իրականցնելու թույլտվություն է տալիս։ Միաժամանակ ընդգծվել է, որ ՄԱԳԱՏԷ-ն նախկինում թույլատրված օբյեկտներից բացի՝ Իրանի այլ օբյեկտներին հասանելիություն ունենալու վերաբերյալ հարցում չի ներկայացնում։
Հիշեցնենք, որ ավելի վաղ ՄԱԳԱՏԷ-ի Կառավարիչների խորհուրդը հաստատել էր Մեծ Բրիտանիայի, Գերմանիայի և Ֆրանսիայի ներկայացրած բանաձևը, որն Իրանին կոչ է անում լիարժեք համագործակցել գործակալության հետ և ՄԱԳԱՏԷ-ի տեսուչներին թույլ տալ ստուգումներ անցկացնել երկու միջուկային օբյեկտներում։
ՄԱԳԱՏԷ-ում Իրանի ներկայացուցիչ Քազեմ Ղարիբաբադին էլ հայտարարել էր, որ այդ բանաձևը միջուկային օբյեկտներին հասանելիություն տալու կամ Իրանի վրա ճնշում գործադրելու պատճառ չի դառնա։
Հետևեք մեզ տելեգրամում
