Թուրքիայի ԱԳՆ-ն ԱՄՆ-ի՝ Կիպրոսի դեմ զենքի էմբարգոն վերացնելու որոշման վերաբերյալ հայտարարություն է տարածել: ԹՀ ԱԳՆ-ի գրավոր հայտարարության մեջ նշվել է, որ ԱՄՆ-ի որոշումն անտեսում է կղզու երկու ժողովուրդների միջև հավասարությունը և հավասարակշռությունը:
Թուրքիայի ԱԳՆ-ն համոզված է, որ ԱՄՆ-ի որոշումը Կիպրոսի խնդրի լուծման համար ներդրվող ջանքերի վրա բացասաբար է ազդելու: ԹՀ ԱԳՆ-ի հայտարարության մեջ շեշտադրվել է, որ ԱՄՆ-ի նման որոշումը, որը թունավորում է տարածաշրջանային խաղաղությունը և կայունության միջավայրը, անհամատեղելի է դաշնակցային ոգու հետ:
ԹՀ ԱԳՆ-ն հայտնել է, որ ակնկալում է, որ ԱՄՆ-ն վերանայի այս որոշումը, աջակցի տարածաշրջանում խաղաղության և կայունության հաստատմանն ուղղված առկա ջանքերին:
Հայտարարության մեջ հետևյալ շեշտադրումն է արվել. «Հակառակ պարագայում Թուրքիան, որպես երաշխավոր երկիր, Կիպրոսի թուրք ժողովրդի անվտանգությունն ապահովելու համար վճռականորեն անհրաժեշտ քայլերը կձեռնարկի՝ իր իրավական և պատմական պատասխանատվությանը համապատասխան»:
Թուրքիայի ԱԳՆ-ի հայտարարությունը` Կիպրոսի դեմ զենքի էմբարգոյի վերացման մասին ԱՄՆ-ի որոշման վերաբերյալ
Հետևեք մեզ տելեգրամում
