Լիբանանի խորհրդարանի պատգամավոր, ՀՅԴ Կենտրոնական Կոմիտեի ներկայացուցիչ Հակոբ Բագրատունին լիբանանյան հեռուստաընկերությանը տված հարցազրույցի ընթացքում նշել է, որ օգոստոսի 4-ին Բեյրութի նավահանգստի պայթյունից շատ հայեր են տուժել, և չկա մի պետություն, որ որպես կրոնական փոքրամասնության իրենց օգնություն ցուցաբերած լիներ: Բագրատունին նշել է, որ պայթյունից հետո՝ գնահատելով վնասները և պայթյունի հետևանքները, Դաշնակցությունն անմիջապես մարդկանց նյութական օգնություն է ցուցաբերել, սնունդ տրամադրել, ձևավորել են օգնություն ցուցաբերող կոմիտեներ, այնուհետ, ըստ ինժեներների և կապալառուների կատարած ուսումնասիրությունների, սկսվել են տների վերականգնման աշխատանքներ: «Այսօր մենք օգնության առաջին խմբաքանակը են տրամադրելու 235 ընտանիքի՝ տները վերականգնելու համար, և վճարելու ենք 12 մլն լիբանանյան ֆունտ»,-ասել է Բագրատունին:
Հարցազրույցի ընթացքում անդրադարձ է եղել նաև Լիբանանի կառավարության ձևավորման հարցին: Բագրատունին նշել է, որ որպես կուսակցություն՝ իրենց թեկնածուն նախկին վարչապետ Սաադ Հարիրին էր, սակայն կուսակցությունների մեծ մասը համաձայնվել է Մուստաֆա Ադիբի թեկնածության հետ, քանի որ Ֆրանսիան է տվել այդ անունը, որպեսզի կարողանա օգնել Լիբանանին:
Հետևեք մեզ տելեգրամում
