Եվրոպական միությունը Սերբիային և Կովոսոյին նախազգուշացրել է, որ Երուսաղեմում դեսպանություն բացելու իրենց որոշումը կարող է կասկածի տակ դնել ԵՄ-ին վերջիններիս անդամակցության հույսերը:
«ԵՄ-ի ոչ մի երկիր դեսպանություն չունի Երուսաղեմում: Ցանկացած դիվանագիտական քայլ, որը հարցականի տակ կդնի Երուսաղեմի վերաբերյալ ԵՄ-ի ընդհանուր դիրքորոշումը, լուրջ անհանգստության և ափսոսանքի տեղիք է տալիս»,-ասել է Եվրոպական միության Արտաքին գործերի և անվտանգության քաղաքականության հարցերով խոսնակ Փիթեր Ստանոն՝ ավելացնելով, որ ԵՄ-ին նախապես ասվել է Սպիտակ տան հանդիպման միայն տնտեսական հատվածի մասին, այլ ոչ թե Երուսաղեմի:
Հիշեցնենք, որ սեպտեմբերի 4-ին՝ երկու օր տևած բանակցություններից հետո, Կոսովոն ու Սերբիան Սպիտակ տանը ստորագրեցին տնտեսական հարաբերությունները բարելավելու մասին պայմանագիր: Պայմանագրով նախատեսված է նաև, որ Իսրայելի և Կոսովոյի միջև դիվանագիտական հարաբերություններ կհաստատվեն, իսկ մեկ այլ կետի համաձայն՝ Սերբիան Իսրայելում իր դեսպանությունը Թել Ավիվից կտեղափոխի Երուսաղեմ:
Հետևեք մեզ տելեգրամում
