Թուրքիայի իշխանությունները որոշել են ռուսական ռազմանավերի համար փակել Բոսֆորի նեղուցը, որով նավերն անցնում էին Սև ծովից դեպի Միջերկրական ծով և հակառակը: Ըստ թուրքական մամուլի՝ հենց Հունաստանը կամ ՆԱՏՕ-ի այլ երկիր փորձի տարածաշրջանում լարվածություն հրահրել, նեղուցով անցումը կփակվի առանց նախազգուշացման, ինչն առանց համապատասխան մատակարարումների կթողնի Սիրիայի Տարտուս նահանգում տեղակայված ռուսական ռազմածովային ուժերի բազան:
Ռուսական կողմն այս պահին կտրականապես դեմ է Միջերկրական ծովում իրավիճակը սրելու ցանկացած փորձի: Բացի այդ, Անկարան սպառնացել է, որ եթե ռուսներն աջակցեն Լիբիայի ազգային բանակին, Թուրքիան իր օդային տարածքը կփակի նաև Ռուսաստանի ավիացիայի համար, ինչը կդժվարացնի ցանկացած ուժի տեղափոխումը Լիբիա և Սիրիա:
Հետևեք մեզ տելեգրամում
