Օգոստոսի 4-ին Բեյրութի նավահանգստում տեղի ունեցած հուժկու պայթյունից մեկ ամիս անց հրդեհ է բռնկվել նույն վայրում: Հրդեհի հստակ պատճառը դեռ հայտնի չէ, սակայն ըստ իրավապահների՝ հրդեհվել է անվադողերի պահեստը, որտեղ կարող էր նավթամթերք լինել: Ականատեսների խոսքով՝ ծուխը բարձրանում է նավահանգստի այն հատվածից, որն եղել է պայթյունի էպիկենտրոնը:
Բանակը քաղաքացիներին կոչ է արել լքել տարածքը:
Հիշեցնենք, որ օգոստոսի 4-ին Բեյրութի նավահանգստում ուժգին պայթյուն էր տեղի ունեցել, որը խլել էր 191 մարդու կյանք: Պայթյունի պատճառը նավահանգստի պահեստներում պահվող 2750 տոննա ամոնիումի նիտրատն էր: Համաշխարհային բանկի գնահատմամբ՝ Լիբանանի մայրաքաղաքին պատճառվել է 3,8-4,6 մլրդ դոլարի վնաս:
Հետևեք մեզ տելեգրամում
