Եգիպտոսի իշխանությունները զբոսաշրջիկների համար պարզեցրել են կորոնավիրուսի ՊՌՇ թեստ ներկայացնելու կարգը:
Եգիպտոսի քաղավիացիայի տարածած հայտարարության մեջ նշվում է, որ սեպտեմբերի 1-ից Եգիպտոս ժամանող բոլոր ուղևորները պետք է ունենան 72 ժամ առաջ արված թեստի պատասխանը: Այս պահանջը չի տարածվում վեց տարեկանից ցածր երեխաների վրա: ՊՌՇ թեստ կարելի է հանձնել երկրի մի շարք հանգստավայրերի `Շարմ էլ-Շեյխի, Հուրգադայի, Տաբայի, Մարսա-Ալամի օդանավակայաններ ժամանելուն պես: Թեստի արժեքն է 30 դոլար: Բացառություն են կազմում Նոր Զելանդիայից, Ավստրալիայից, Ճապոնիայից, Չինաստանի, Թայլանդից, Հյուսիսային և Հարավային Ամերիկայից, Լոնդոնի, Փարիզի և Ֆրանկֆուրտի օդանավակայաններից ժամանողները.նրանց կթույլատրվի ներկայացնել թռիչքից 96 ժամ առաջ արված թեստի պատասխանը՝ հաշվի առնելով թռիչքի երկարության և տարանցիկ երկրներում լինելու հանգամանքը:
Հետևեք մեզ տելեգրամում
