ԱՄՆ նախագահ Դոնալդ Թրամփը նախընտրական քարոզարշավի ժամանակ հայտարարել է, որ ԱՄՆ-ն պատրաստ է Իրանի հետ գործարք կնքել և կողմ է, որ այն հզոր պետություն լինի:
Թրամփը վստահություն է հայտնել, որ նոյեմբերին իր վերընտրվելու դեպքում Թեհրանը շատ արագ կստորագրի այդ պայմանավորվածությունը: «Եթե և երբ մենք հաղթենք, այդ հաղթանակից մոտավորապես 9 վայրկյան անց մեզ կզանգեն, և դա կլինի Իրանը, որը կցանկանա գործարք կնքել: Մենք ուզում ենք, որ նրանք կնքեն այդ գործարքը: Մենք ուզում են, որ նրանց մոտ ամեն ինչ լավ լինի, որ նրանք հզոր լինեն: Սակայն նրանք պարզապես չեն կարող միջուկային զենք ունենալ: Ահա և վերջ: Շատ պարզ»,-ասել է Թրամփը՝ ավելացնելով, որ այս պահին իր ենթականերին հանձնարարել է Իրանի հետ բանակցություններ չվարել:
Նշենք, որ սեպտեմբերի 21-ին ԱՄՆ-ն հայտարարեց Իրանի նկատմամբ մի շարք պատժամիջոցներ ընդլայնելու մասին:
Հետևեք մեզ տելեգրամում
