Վրացական «Ֆորմուլա» ընդդիմադիր հեռուստաընկերության պատվերով «Edison Research»-ի կողմից իրականացված հարցման համաձայն Վրաստանի բնակչության 87 տոկոսը կողմ է համամասնական ընտրակարգին:
Հեռուստաընկերության տեղեկատվությամբ հարցվածների 60 տոկոսը պատասխանել է, որ ամբողջովին համաձայն է համամասնական ընտրակարգին անցնելուն: Համամասնական ընտրակարգին մասամբ է հավանություն տվել հարցվածների 27 տոկոսը:
Հարցումն իրականացվել է նոյեմբերի 12-23-ն ընկած ժամանակահատվածում, դրան մասնակցել է Վրաստանի տարբեր շրջաններում ապրող ընտրության իրավունք ունեցող 2000 մարդ:
Հիշեցնենք, որ Վրաստանի տարբեր քաղաքներում տեղի են ունենում բողոքի ակցիաներ՝ արտահերթ ընտրություններ անցկացնելու պահանջով։ Բողոքները սկսվել են այն բանից հետո, երբ Վրաստանի խորհրդարանում չի հաստատվել համամասնական ընտրակարգին անցնելու՝ սահմանադրական փոփոխությունների նախագիծը։
Հետևեք մեզ տելեգրամում
