Ռուսաստանի նախագահ Վլադիմիր Պուտինը «Վալդայ» միջազգային ակումբի նիստի ժամանակ անդրադարձել է Լեռնային Ղարաբաղի խնդրին՝ ընգծելով, որ այս հակամտրությունն սկսվել է էթնիկ դիմակայությունից:
«Այս հակամարտությունն սկսվել է ոչ որպես միջպետական հակամարտություն և պայքար տարածքների համար, այն սկսվել է էթնիկ դիմակայությունից։ Ցավոք, դա փաստ է, երբ Սումգայիթում, իսկ հետո Լեռնային Ղարաբաղում դաժան հանցագործություններ կատարվեցին հայ ժողովրդի դեմ։ Այս ամենը համալիր պետք է հաշվի առնել»,-ասել է Պուտինը՝ ընդգծելով այն հանգամանքը, որը Ղարաբաղի հարցում Ռուսաստանի ու Թուրքիայի դիրքորոշումը չեն համընկնում:
ՌԴ նախագահը նշել է, որ օրական մի քանի անգամ հեռախոսազրույց է ունենում ՀՀ վարչապետ Նիկոլ Փաշինյանի հետ՝ ասելով, որ Ռուսաստանն այնպիսի դիրքորոշում ունի, որը թույլ է տալիս վայելել կողմերի վստահությունը։
Պուտինը հայտնել է, որ Ղարաբաղյան հակամարտության գոտում ադրբեջանական ու հայկական կողմից զոհերի ընդհանուր թիվը մոտենում է 5000-ի, և դա իր երկրի համար ողբերգություն է:
Անդրադառնալով ԵԱՀԿ ՄԽ ձևաչափի փոփոխությանը՝ ՌԴ նախագահն ասել է, որ ինքը պատասխան չունի արդյոք արժի փոխել Ղարաբաղի հարցով ԵԱՀԿ Մինսկի խմբի ձևաչափը և հույս ունի, որ ԱՄՆ-ը կաջակցի ղարաբաղյան հակամարտության կարգավորման գործում։ ՌԴ նախագահը նշել է, որ ոչ ոք Լեռնային Ղարաբաղի հակամարտության կարգավորմամբ Ռուսաստանից շատ հետաքրքրված չէ: Նա նաև նշել է՝ չի կարելի մոռանալ հայ ազգի ողբերգությունն Առաջին համաշխարհայինի տարիներին:
Հետևեք մեզ տելեգրամում
