ՌԴ ԱԳՆ-ը, ի պատասխան ՀՀ վարչապետ Նիկոլ Փաշինյանի՝ ՌԴ նախագահին ուղղված նամակին, որում ՀՀ վարչապետը դիմել է ՌԴ նախագահին սկսելու անհապաղ խորհրդակցություններ՝ սահմանելու աջակցության տեսակները և չափը, որը Ռուսաստանի Դաշնությունը կարող է հատկացնել Հայաստանի Հանրապետությանը՝ իր անվտանգության ապահովման համար՝ հիմք ընդունելով Հայաստանի և Ռուսաստանի միջև դաշնակցային հարաբերությունները և 1997թ. օգոստոսի 29-ի «Բարեկամության, համագործակցության և փոխադարձ աջակցության մասին պայմանագրի 2-րդ հոդված, հայտնում է, որ պայմանագրի համաձայն՝ Ռուսաստանը Երևանին կցուցաբերի ողջ անհրաժեշտ օգնությունը, եթե ռազմական գործողություններն անմիջականորեն տեղափոխվեն Հայաստանի տարածք:
ՌԴ ԱԳՆ-ն նաև ԼՂ հակամարտող կողմերին կոչ է արել անհապաղ դադարեցնել կրակը, թուլացնել լարվածությունը և վերադառնալ առարկայական բանակցություններին՝ հասնելու հակամարտության խաղաղ կարգավորմանը՝ համաձայն Ռուսաստանի Դաշնության, Ադրբեջանի Հանրապետության և Հայաստանի Հանրապետության արտաքին գործերի նախարարների այս տարվա հոկտեմբերի 10-ին Մոսկվայում ձեռք բերված պայմանավորվածությունների:
Հետևեք մեզ տելեգրամում
