ՌԴ նախագահ Վլադիմիր Պուտինը հեռախոսազրույց է ունեցել ֆրանսիացի իր գործընկերոջ հետ, որի ժամանակ կողմերը մտահոգություն են հայտնել Ղարաբաղում շարունակվող լայնամասշտաբ բախումների և Սիրիայից ու Լիբիայից հակամարտության գոտի ծայրահեղականների ժամանման կապակցությամբ։
Պուտինի մամուլի ծառայության փոխանցմամբ, ՌԴ նախագահը մանրամասն ներկայացրել է Ռուսաստանի ձեռնարկած քայլերի մասին, որոնք ուղղված են կրակի շուտափույթ դադարեցման և բանակցությունների վերսկսման կապակցությամբ:
«Վերահաստատվել է Ռուսաստանի և Ֆրանսիայի համակարգված միջնորդական ջանքերը շարունակելու փոխադարձ տրամադրվածությունը, այդ թվում `ԵԱՀԿ Մինսկի խմբի շրջանակներում»,-նշված է հաղորդագրության մեջ:
Նախագահների հեռախոսազրույցը փաստը հաստատել են նաև Ելիսեյան պալատից՝ նշելով, որ Պուտինն ու Մակրոնը նաև ընդգծել են ահաբեկչության դեմ պայքարի վճռականության մասին:
Հետևեք մեզ տելեգրամում
