Բաթումիում օր չկա, որ բողոքի ակցիաներ տեղի չունենան: Այս անգամ Աջարիայի Գերագույն խորհրդի շենքի դիմաց ցույց են կազմակերպել ընդդիմադիր կուսակցությունների երիտասարդական թևերի ներկայացուցիչները:
Ցույցի մասնակիցները պաստառներով «կենդանի շղթա» են կազմել՝ բողոքելով հոկտեմբերի 31-ին կայացած ընտրությունների արդյունքների դեմ, այնուհետ շարժվել դեպի Աջարիայի կառավարական տուն:
Հիշեցնենք, որ հոկտեմբերի 31-ին Վրաստանում կայացած խորհրդարանական ընտրություններից հետո երկրում ցույցեր են սկսվել: Խորհրդարանական ընտրությունների արդյունքները չեն ճանաչում ընտրական շեմը հաղթահարած բոլոր 8 ընդդիմադիր կուսակցությունները:
Հետևեք մեզ տելեգրամում
