ՆԱՏՕ-ի անդամ երկրների ԱԳ նախարարների մասնակցությամբ անցկացված վիդեոկոնֆերանսի ժամանակ ԱՄՆ պետքարտուղար Մայք Պոմպեոն վիճել է Թուրքիայի ԱԳ նախարար Մևլութ Չավուշօղլուի հետ։
«ԱՄՆ պետքարտուղար Մայք Պոմպեոն ՆԱՏՕ-ի համար անսովոր ՆԱՏՕ ԱԳ նախարարների հանդիպման ընթացքում ընդգծել է, որ Թուրքիան հանդես է գալիս Հյուսիսատլանտյան դաշինքի սկզբունքների ու գործունեության դեմ՝ դրանով իսկ պառակտելով դաշինքի միասնությունը», – տեղեկացնում է հունական «AMHA» լրատվական գործակալությունը։
Ըստ աղբյուրի՝ Պոմպեոն իր խոսքում մատնանշել է Թուրքիայի սադրիչ գործողությունները Միջերկրական ծովում, Լիբիայում, Սիրիայում և Լեռնային Ղարաբաղում։
Լրատվական գործակալությունը տեղեկացնում է, որ Թուրքիայի ԱԳ նախարար Չավուշօղլուն վիդեոկոնֆերանսի ընթացքում սկսել է հակադարձել Պոմպեոյին՝ «ափսոսանք» հայտնելով, որ ԱՄՆ-ը հանդես է եկել «ընդդեմ Թուրքիայի», աջակցել է «Հունաստանի և Կիպրոսի մաքսիմալիստական դիրքորոշմանը» և «ահաբեկչական կազմավորումներին»։
Ըստ աղբյուրի՝ Թուրքիայի արտգործնախարարը «ակնհայտ նյարդայնությամբ» ավարտել է իր ելույթը՝ հայտարարելով, որ ԵԱՀԿ Մինսկի խումբը, որը կոչված է խաղաղ կարգավորման ուղիներ գտնել Ղարաբաղյան հակամարտության համար, կողմնապահ վերաբերմունք ունի Հայաստանի նկատմամբ։
Հետևեք մեզ տելեգրամում
