Անցյալ շաբաթ Ստամբուլում ձերբակալված ռուս լրագրողները թուրքական դատարանի որոշմամբ ազատ են արձակվել։ «НТВ» հեռուստաընկերության մամլո ծառայությունից տեղեկացրել են, որ առաջիկայում ՌԴ քաղաքացիներն ամենայն հավանականությամբ կարտաքսվեն Ռուսաստան։
Ռուսական մամուլի համաձայն՝ «НТВ»-ի աշխատակիցներին ազատ են արձակել գլխավոր դատախազությունում ցուցմունք տալուց հետո։ Նրանց հետ ազատ է արձակվել նաև Թուրքիայի մեկ քաղաքացի, ում անունը դեռևս հայտնի է։
Նախնական տեղեկության համաձայն՝ դատախազը հրաժարվել է լրագրողների դեմ ներկայացված մեղադրանքներից։
Նշենք, որ «НТВ»-ի «Центральное телевидение» ծրագրի լրագրող Ալեքսեյ Պետրուշկոն և օպերատոր Իվան Մալիշկինը դեկտեմբերի 3-ին Ստամբուլում ձերբակալվել էին ռազմական ԱԹՍ-ների արտադրամասի տարածքում չարտոնված նկարահանումներ կատարելու պատճառով։ Ենթադրվում էր, որ ռուս լրագրողներին կարող են մեղադրանք առաջադրել լրտեսության հոդվածով։
Հետևեք մեզ տելեգրամում
