Իրաքում շարունակվում են բախումները ցուցարարների և անվտանգության ուժերի միջև։ Հատկապես արյունալի բախումներ են գրանցվել մայրաքաղաք Բաղդադում:
Նշվում է, որ դեկտեմբերի 7-ին անհայտ աձինք կրակ են բացել Թահրիր հրապարակի ցուցարարների ուղղությամբ, ինչի հետևանքով 20-ից ավել ցուցարար և 3 անվտանգության ուժային է սպանվել:
Իրաքի անվտանգության ուժերը հայտարարել են, որ վիրավորների թիվը անցնում է 127-ը:
Ցուցարարները գտնում են, որ հնարավոր է այս դեպքերի հետևում կանգնած են Իրանի աջակցությունը վայելող Իրաքի աշխարհազորայինները, որոնք նմանատիպ հարձակումներ իրականացրել են նաև Իրաքի հարավային նահանգներում:
Նշենք, որ Իրաքում 2019 թվականի հոկտեմբեր ամսից սկսած ցույցերի հետևանքով զոհերի ընդհանուր թիվը հասել է 400-ի:
Այժմ ցուցարարների հիմնական պահանջը երկրի քաղաքական իշխանությունների հրաժարականն է՝ վարչապետի գլխավորությամբ։
Հետևեք մեզ տելեգրամում
