Լիբանանի վարչապետի պաշտոնում նշանակված Սաադ Հարիրին նախագահ Միշել Աունին է ներկայացրել կառավարության կազմը: Հարիրին նշել է, որ կառավարությունը բաղկացած է լինելու 18 նախարարից, որոնք մասնագետներ են և որևէ կուսակցության չեն պատկանում:
«Նախագահ Միշել Աունը կուսումնասիրի կազմը և մենք նորից կհանդիպենք: Մթնոլորտը դրական է, և ես մեծ հույս ունեմ, որ կկարողանանք արագ կառավարություն կազմել», – ավելացրել է Հարիրին՝ նշելով, որ նման կառավարությունը «կանգնեցնելու է տնտեսական փլուզումը և լիբանանցիների տառապանքները, վերականգնելու է Բեյրութը և լիբանանցիներին վերադարձնելու է վստահությունն ու հույսը բարեփոխումների միջոցով, որոնք համաձայնեցվել էին ֆրանսիական նախաձեռնության շրջանակներում:
Հետևեք մեզ տելեգրամում
