Իսրայելի վարչապետ Բենյամին Նեթանյահուն մեկ տասնամյակ անց մտադիր է պաշտոնական այցով մեկնել Եգիպտոս: Այցի շրջանակում նախատեսված է Նեթանյահուի հանդիպումը Եգիպտոսի նախագահ Աբդել Ֆաթթահ Ալ-Սիսիի հետ: Կողմերը կքննարկեն երկու երկրների հարաբերությունների ամրապնդումն ու հետագա կարգավորումը՝ ԱՄՆ նախագահական ընտրություններում Ջո Բայդենի հաղթանակի լույսի ներքո, Իրանի կողմից աճող սպառնալիքները, ինչպես նաև Իսրայել-ԱՄԷ-Բահրեյն հարաբերությունների կարգավորումը:
Նեթանյահուն վերջին անգամ Եգիպտոս էր այցելել 2011թ. հունվարին, հանդիպել Եգիպտոսի այդ ժամանակվա նախագահ Հոսնի Մուբարաքին: Այս ընթացքում, սակայն, լուրեր շրջանառվեցին, որ Իսրայելի վարչապետը 2018թ. գաղտնի այց էր կատարել Եգիպտոս:
Հետևեք մեզ տելեգրամում
