Կանադան չի հավատում այն տարբերակին, որ Թեհրանի մոտ ուկրաինական Boeing ինքնաթիռը խոցվել է մարդկային սխալի պատճառով, հայտարարել է Կանադայի ԱԳ նախարար Ֆրանսուա Ֆիլիպ Շամպայնը:
«Ոչ, չեմ հավատում: Մենք պետք է թույլ տանք, որ գործընթացը (աղետի հետաքննությունը) ընթանա իր հունով: Սակայն ուզում ասել, որ մենք տեսել ենք, թե ինչպես է ինքնաթիռի ուղղությամբ հրթիռներ արձակվել, և, ըստ իս, դա շատ հարցեր է առաջացնում»,-ասել է Կանադայի ԱԳ նախարարը:
Շամպայնը նաև նշել է, որ իրանական կողմը կանադացի փորձագետներին չի տրամադրում պահանջվող ծավալի տեղեկատվություն՝ ողբերգության իրական պատճառները պարզելու համար: Նախարարը շեշտել է, որ Կանադան կշարունակի Իրանից պահանջել թափանցիկություն:
Հետևեք մեզ տելեգրամում
