Իրանի նախագահ Հասան Ռոհանին հայտնել է, որ Իսլամական Հանրապետությունը կվերադառնա միջուկային գործարքին, եթե նորընտիր նախագահ Ջո Բայդենը նույնպես այդ քայլին դիմի:
«Մենք սպասում ենք, որ նրանք, ովքեր այսօր Սպիտակ տանը կստանձնեն իշխանությունը, վերադառնան օրենքի, պարտականությունների և պայմանների իրականացմանը, եթե նրանք կկարողանան ազատվել նախորդ 4 տարիների սև բծերից, չնայած որոշներն ընդմիշտ կմնան պատմության գրկում: Նրանք պետք է վերադառնան միջազգային նորմերին և բանաձևերին, 2231 բանաձևին: Իհարկե, եթե նրանք վերադառնան, մեր պատասխանը դրական կլինի»,-կառավարության նիստին ասել է Ռոհանին:
Իրանի նախագահի խոսքով, եթե ԱՄՆ-ը դա «գործնականում ի ցույց դնի», ապա Իրանը «կգործի բոլոր պարտականություններին համապատասխան»:
Նշենք, որ ավելի վաղը ԱՄՆ պետքարտուղարի թեկնածու Էնթոնի Բլինքենը հայտարարաել էր, որ եթե Թեհրանն առաջինը վերադառնա Իրանի միջուկային ծրագրի շուրջ Գործողությունների համատեղ համապարփակ ծրագրին, ապա Վաշինգտոնը նույնպես պատրաստ կլինի վերադառնալու գործարքին:
Հետևեք մեզ տելեգրամում
