Հունվարի 24-ին Իսրայելը պաշտոնապես բացեց դեսպանությունը Արաբական Միացյալ Էմիրություններում: Գործերի հավատարմատար է նշանակվել դեսպան Էիտան Նաեհը՝ մինչև մշտական դեսպանի նշանակումը:
Իսրայելի ԱԳՆ-ում նշել են, որ նոր դեսպանությունը «կխթանի երկու երկրների հարաբերությունները բոլոր բնագավառներում և կընդլայնի կապերը Էմիրությունների կառավարության, մասնավոր հատվածի, տնտեսական ոլորտի, գիտության, լրատվամիջոցների ներկայացուցիչների հետ և այլն:
Դեսպանությունը գտնվում է ժամանակավոր կառույցում, մինչև գտնվի մշտական տեղակայման վայրը:
Նույնն օրն ավելի վաղ, ԱՄԷ-ի կառավարությունը հաստատել էր Թել Ավիվում դեսպանություն բացելու որոշումը:
Հիշեցնենք, որ 2020թ. սեպտեմբերի 15-ին Սպիտակ տանը Արաբական Միացյալ Էմիրությունները և Իսրայելը խաղաղության համաձայնագիր ստորագրեցին:
Հետևեք մեզ տելեգրամում
