«ՏուրՍտատ» տուրիստական պորտալը ներկայացրել է 2019 թվականին ռուսաստանցի զբոսաշրջիկների շրջանում հանրահայտ երկրների վարկանիշը:
Ռուսաստանից Հայաստան տուրուղևորությունների թիվը 2019 թվականի 9 ամիսներին 24 տոկոսով աճել է՝ հասնելով մինչև 406 հազարի: Հայաստանը Ռուսաստանից արտագնա տուրիզմի վարկանիշում 21-րդ տեղում է:
Այս տարի Ռուսաստանից արտասահման տուրիզմի առումով առաջատարներն են՝ Թուրքիան, Ֆինլանդիան եւ Ղազախստանը:
2019 թվականի 9 ամիսների արդյունքներով Ռուսաստանից զբոսաշրջիկների շրջանում տարածված երկրների թոփ տասնյակում են՝ Թուրքիան 5 մլն 675 հազար տուրուղևորություններով, Աբխազիան (3 մլն 855 հազար), Ֆինլանդիան (2 մլն 695 հազար), Ղազախստանը (2 մլն 471 հազար), Ուկրաինան (1 մլն 857 հազար), Չինաստանը (1 մլն 712 հազար), Էստոնիան (1 մլն 348 հազար), Իտալիան (1 մլն 12 հազար), Վրաստանը (990 հազար) և Գերմանիան (977 հազար):
Ռուսաստանից արտասահման արտագնա տուրիստական ուղևորությունների ընդհանուր թիվը 2019 թվականին աճել է 7 տոկոսով՝ հասնելով մինչեւ 35 մլն 200 հազարի:
Ռուսաստանից արտագնա տուրիզմի վարկանիշը կազմվել է տարվա առաջին 9 ամիսներին Ռուսաստանից արտասահման արտագնա տուրիստական ուղևորությունների վիճակագրության վերլուծության արդյունքներով:
Հետևեք մեզ տելեգրամում
