Հունվարի 27-ին ՀՀ, ՌԴ ու Ադրբեջանի փոխվարչապետներ Մհեր Գրիգորյանը, Ալեքսեյ Օվերչուկն ու Շահին Մուսթաֆաևը մտադիր են հանդիպել Մոսկվայում՝ քննարկելու Հարավային Կովկասում տրանսպորտային կապերի շինարարության հարցը: Այս մասին հայտնում է Rbk-ը՝ հղում անելով Ռուսաստանի և Հայաստանի կառավարություններում ունեցած իր 2 աղբյուրներին:
Փոխվարչապետները քննարկելու են հնարավոր մի քանի նախագիծ, մասնավորապես Հայաստանի տարածքով երկաթգծի շինարարությունը, որն Ադրբեջանին կկապի Նախիջևանին, իսկ Հայաստանը՝ Ռուսաստանին: Ռուսական աղբյուրը փոխանցել է, որ Բաքուն, բացի սրանից, ուզում է նաև ավտոմայրուղու շինարարություն իրականացնել նույն վայրով, իսկ դրա փոխարեն Հայաստանը պետք է երկաթուղային կապ ստանա Ռուսաստանի հետ: Փոխվարչապետները քննարկելու են նաև Հայաստանը Նախիջևանով երկաթուղային ճանապարհով Իրանին կապելու հնարավորությունը։
Հետևեք մեզ տելեգրամում
