Թեհրանում չեն կարծում, որ Վաշինգտոնի կողմից փոխհատուցում տրամադրելը պայման է Իրանի միջուկային ծրագրի շուրջ Գործողությունների համատեղ համապարփակ ծրագրի շուրջ հաղորդակցությունը վերականգնելու համար: Այս մասին հայտարարել է Իրանի ԱԳ նախարար Մոհամեդ Ջավադ Զարիֆը:
Նախարարն ընդգծել է, որ ԱՄՆ պետք է հանի Իրանի դեմ պատժամիջոցները՝ շեշտելով նաև, որ փոխհատուցումը երբեք նախապայման չի եղել: «Մենք խոսել ենք, որ այդ հարցը կարելի է քննարկել, երբ ԱՄՆ-ը վերադառնա համաձայնության շուրջ մասնակցությանը»,-նշել է իրանցի նախարարը:
Նշենք, որ ԱՄՆ նախագահ Ջո Բայդենը հայտարարել էր, որ ԱՄՆ-ը չի հանի Իրանի նկատմամբ պատժամիջոցները, որպեսզի վերջինիս վերադարձնի Իրանի միջուկային ծրագրի շուրջ Գործողությունների համատեղ համապարփակ ծրագրին:
Հետևեք մեզ տելեգրամում
