ԱՄՆ պետքարտուղար Էնթոնի Բլինքենը գտնում է, որ Իրանն այժմ կարող է 3-4 ամսվա ընթացքում միջուկային նյութերը հարստացնել մինչև զենք ստանալու մակարդակի:
«Այսօր արդյունքն այն է, որ Իրանը շոշափելի մոտեցել է զենքի համար միջուկային նյութեր արտադրելու հնարավորությանը՝ ի տարբերություն Իրանի միջուկային ծրագրի շուրջ Գործողությունների համատեղ համապարփակ ծրագրի գործելու ժամանակ: Այսպես կոչված բեկումնային ժամանակը, որը Իրանին կարող է անհրաժեշտ լինել զենքի մակարդակի միջուկային նյութեր արտադրելու համար, համաձայնագրով մեկ տարով երկարացվել է: Մնացել է 3 կամ 4 ամիս, և մենք շարժվում ենք սխալ ուղղությամբ»,-ասել է Բլինքենը:
Պետքարտուղարի կարծիքով՝ անհրաժեշտ է աշխատել ավելի երկարաժամկետ և լուրջ պայմանավորվածության շուրջ, որը կընդգրկի Իրանի բալիստիկ հրթիռային ծրագիրը:
Հետևեք մեզ տելեգրամում
