Ռուսաստանը, Թուրքիան և Իրանը Սոչիում կայացած աստանյան ձևաչափով հանդիպմանը ընդգծել են Իդլիբի հարցով բոլոր համաձայնությունները կատարելու անհրաժեշտությունը:
«Մանրամասն ուսումնասիրել ենք Իդլիբի դեէսկալացիոն գոտում իրավիճակը և ընդգծել ենք «ցամաքում» հանգիստ վիճակի պահպանման անհրաշետությունը՝ Իդբիլի վերաբերյալ բոլոր համաձայնությունների իրականացման ճանապարհով»,-ասված է աստանյան ձևաչափով Սիրիայի հարցով 15-րդ Միջազգային հանդիպման համատեղ հայտարարության մեջ:
Ռուսաստանը, Թուրքիան և Իրանը հաստատել են անսասան համերաշխությունը Սիրիայի ինքնիշխանությանն ու տարածքային ամբողջականությանը, ինչպես նաև ՄԱԿ կանոնադրության նպատակներին և սկզբունքներին՝ ընգծելով, որ այդ սկզբունքները պետք է հետևեն և հարգեն բոլորը:
Երեք երկրները դատապարտել են նաև Իսրայելի բանակի հարձակումները Սիրիայի տարածքում, սիրիական նավթի անօրինական զավթումը և դրանից եկամուտ ստանալը, շեշտել ահաբեկչական տարրերի ոչնչացման կարևորությունը, դեմ արտահայտվել Սիրիայի սահմանադրական հանձնաժողովի աշխատանքներին օտարերկրյա միջամտությանը:
Հետևեք մեզ տելեգրամում
