ԱՄՆ պետքարտուղարության մամուլի ծառայության ղեկավար Նեդ Փրայսը հայտարարություն է տարածել Թուրքիայում ընդդիմադիր կուսակցությունը ցրելու որոշման կապակցությամբ՝ նշելով, որ դատախազության հարցումը հարվածում է երկրի ժողովրդավարությանը, և Անկարային կոչ են անում հետևել կարծիքի ազատ արտահայտման սկզբունքներին:
«Մենք հետևում ենք մեկնարկած ջանքերին, որոնք ուղղված են «Ժողովուրդների դեմոկրատական կուսակցությունը» ցրելուն: Այդ որոշումը անհիմն կերպով կխաթարի թուրք ընտրողների կամքը, ավելի կխարխլի Թուրքիայի ժողովրդավարությունը, և միլիոնավոր թուրք քաղաքացիների կզրկի իրենց ընտրած ներկայացուցիչներից: Մենք Թուրքիայի կառավարությանը կոչ ենք անում հարգել կարծիքի ազատ արտահայտման իրավունքը՝ Թուրքիայի Սահմանադրության դրույթների հետ համապատասխան»,-ասված է հայտարարության մեջ:
Նշենք, որ մարտի 17-ին հայտնի դարձավ, որ Թուրքիայի դատախազությունը դիմել էր Սահմանադրական դատարան՝ պահանջելով ցրել քրդամետ «Ժողովուրդների դեմոկրատական կուսակցությունը»: Հայցի մեջ նշվել է, որ կուսակցության անդամների հայտարարությունները և գործողությունները ուղղված են պետության և ժողովրդի մեջ պառակտմանը:
Հետևեք մեզ տելեգրամում
