Վրաստանի նախկին վարչապետ Գեորգի Գախարիան հայտարարել է քաղաքականության մեջ մնալու մասին:
«Առաջին հերթին, ցանկանում եմ Ձեզ ասել, որ չնայած բազմաթիվ բամբասանքներին, ես ոչ մի տեղ չեմ պատրաստվում գնալ: Ավելին, ես քաղաքականություն ևս չեմ հեռանում: Մենք շարժվում ենք ըստ պլանի, մեր օրակարգով, որը մեզ հնարավորություն կտա մոտ ժամանակներս ամեն ինչ ձեզ բոլորիդ մանրամասն ներկայացնել»,-լրագրողների հետ զրույցում ասել է Գախարիան:
Կստեղծի՞ արդյոք նախկին վարչապետը նոր կուսակցություն, որը այլընտրանք կլինի իշխող «Վրացական երազանք, ժողովրդավար երազանք» կուսակցությանը, դեռ հայտնի չէ, սակայն վրացական ԶԼՄ-ները բազմիցս նշում են, որ Գախարիան այս պահին զբաղված է իր թիմը ձևավորելով: Վարչապետի պաշտոնից հեռանալուց հետո հրաժարական էին ներկայացրել նաև կառավարության աշխատակազմի ղեկավար Կախաբեր Կեմոկլիձեն և իր տեղակալ Բերդիյա Սիչինավան:
Հիշեցնենք, որ Գախարիան հրաժարական էր տվել փետրվարի 18-ին ընդդիմության առաջնորդ Նիկա Մելիայի նկատմամբ դատարանի որոշման պատճառով, քանի որ այդ հարցի շուրջ համաձայնության չէր հասել թիմի հետ:
Հետևեք մեզ տելեգրամում
