ԱՄՆ նոր վարչակազմը պատրաստ է մասնակցելու իմաստալից, բազմակողմանի դիվանագիտական բանակցություններին՝ Գործողությունների համատեղ համապարփակ ծրագիր վերադառնալու համար, որի նպատակն է կարգավորել Իրանի միջուկային զարգացման շուրջ ստեղծված ճգնաժամը: Այս մասին ասվում է ԱՄՆ պետքարտուղար Էնթոնի Բլինքենի և ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ջոզեֆ Բորելի համատեղ գրավոր հայտարարության մեջ:
«Պետքարտուղար Բլինքենը վերահաստատել է Վաշինգտոնի՝ կրկին իմաստալից դիվանագիտությամբ զբաղվելու պատրաստակամությունը՝ ապահովելու Միացյալ Նահանգների և Իրանի փոխադարձ վերադարձը ԳՀՀԾ-ի լիարժեք իրականացման համար»,-նշված է հայտարարության մեջ: Ընդգծվել է նաև, որ ԱՄՆ-ը և ԵՄ-ը սատարում են Բորելի՝ որպես ԳՀՀԾ-ի համակարգողի բոլոր շահագրգիռ գործընկերների հետ կապեր պահելը՝ ուղղված միջուկային ոլորտում և պատժամիջոցների վերացման բնագավառում պարտականությունների լիարժեք իրականացմանը:
«ԱՄՆ-ը պատրաստակամություն է հայտնել ներգրավվել այս տեսակի (կոնկրետ) արդյունքների վրա հիմնված քննարկումների մեջ»,-հայտարարել են Բլինքենը և Բորելը:
Հետևեք մեզ տելեգրամում
