Ամերիկայի Միացյալ Նահանգները ցանկանում է այս շաբաթ միջուկային գործարքի վերաբերյալ նոր առաջարկ անել Իրանին:
Politico պարբերականի աղբյուրը հայտնել է, որ առաջարկներից մեկով Իրանին խնդրում են դադարեցնել միջուկային գործունեության որոշ տեսակներ՝ ցենտրիֆուգների կատարելագործումը և մինչև 20% ուրանի հարստացումը: Դրա դիմաց ԱՄՆ-ն առաջարկում է թեթևացնել տնտեսական որոշ պատժամիջոցներ:
Աղբյուրը հայտնել է, որ առաջարկի մանրամասները դեռ մշակվում են, ընդ որում վստահություն չկա, որ Իրանը կընդունի այդ առաջարկները:
Վաշինգտոնը, բացի այդ, ավելի վաղ Իրանին առաջարկել էր մինչև 20% ուրանի հարստացումը դադարեցնելու դիմաց մուտք տրամադրել սառեցված ակտիվների մի մասին: Իրանը մերժել էր՝ իր հերթին առաջարկելով ամերիկյան բոլոր պատժամիջոցները հանելու դիմաց մեկ ամսով դադարեցնել ուրանի հարստացումը: ԱՄՆ-ում այս առաջարկը գնահատեցին որպես «հանդուգն պատասխան»:
Հետևեք մեզ տելեգրամում
