Տաջիկստանի մայրաքաղաք Դուշանբեում «Ասիայի սիրտ-Ստամբուլյան գործընթաց» նախարարական համաժողովի շրջանակում տեղի է ունեցել Իրանի և Ադրբեջանի արտգործնախարարներ Մոհամադ Զարիֆի և Ջեյհուն Բայրամովի հանդիպումը, հայտնում է PressTV.com-ը:
Հանդիպման ընթացքում երկու երկրների արտաքին գերատեսչությունների ղեկավարները մտքեր են փոխանակել Կովկասյան տարածաշրջանում վերջին զարգացումների, Թեհրան-Բաքու համագործակցության և այլ քաղաքական ու տնտեսական հարցերի վերաբերյալ:
Ադրբեջանական լրատվամիջոցները հայտնում է, որ կողմերը մտքեր են փոխանակել Ադրբեջանի վերահսկողության տակ անցած տարածքներում իրականացվելիք վերակառուցման և վերականգնման աշխատանքների վերաբերյալ: Զարիֆը, իր հերթին, նշել է, որ իրանական ընկերությունները պատրաստ են մասնակցելու այս աշխատանքներին:
Հետևեք մեզ տելեգրամում
