Սիրիայի արտաքին գործերի նախարարությունը հայտարարել է, որ Բրյուսելում կայացած միջազգային դոնոր համաժողովի որոշումը՝ Սիրիան մարդասիրական օգնություն տրամադրելու վերաբերյալ, առանց միակողմանի պատժամիջոցները չեղյալ հայտարարելու տնտեսական ահաբեկչության մի տեսակ է:
«Սիրիացի ժողովրդին հավաքական պատժելու քաղաքականությունը, որն իրականացնում են ԱՄՆ-ը և Եվրամիությունը, նպատակ ունի ապակայունացնել Սիրիայի իրավիճակը: Ընդ որում, Արևմուտքը քողարկում է ահաբեկչական խմբավորումների և անջատողական ուժերի գործունեությունը»,-ասված է ԱԳՆ տարածած հաղորդագրության մեջ:
Նախարարությունը նաև նշել է, որ «Բրյուսելում կայացած համաժողովը, որն անցկացվում է 5-րդ անգամ, վերածվել է Դամասկոսի վրա ճնշում գործադրելու և նենգաշորթության զենքի: Բացի այդ, հայտարարված օգնության զգալի մասը ուղղվում է հարևան երկրներին և շրջաններին, որոնք դուրս են Սիրիայի վերահսկողությունից»:
Հետևեք մեզ տելեգրամում
